दोडामार्ग / वार्ताहर:
दोडामार्ग तालुक्यात डॉ. बाबासाहेब आंबेडकर भवन उभारण्यात यावे. यासाठी शासन स्तरावर प्रयत्न करावे याबाबतचे निवेदन तहसीलदार अरुण खानोलकर यांना राष्ट्रवादी काँग्रेसचे सामाजिक न्याय विभागाचे तालुकाध्यक्ष गोविंद कदम यांनी दिले आहे.
दिलेल्या निवेदनात पुढे म्हटले की, महापुरुष डॉ. बाबासाहेब आंबेडकर व इतर महापुरुष यांचे नेहमी विविध प्रकारचे कार्यक्रम दोडामार्ग तालुक्यात होत असतात. शिवाय कोणतीही सभा, सार्वजनिक कार्यक्रम होत असतात. सध्याच्या परिस्थितीत दोडामार्ग मध्ये हाॅलच्या किमतीही वाढल्या आहेत. त्यामुळे हे कार्यक्रम आमच्या समाजातील किंवा इतर आर्थिक दृष्ट्या दुर्बल असलेल्या लोकांना परवडत नाही. डॉ. बाबासाहेब आंबेडकर भवन तालुक्यात उभारले गेल्यास सर्वांना सोयीस्कर ठरेल. लवकरात लवकर या भवनाचा प्रस्ताव मंजूर व्हावा याबाबतचे निवेदन राष्ट्रवादी काँग्रेस सामाजिक न्याय विभागाच्या तालुकाध्यक्षांनी दिले आहे. यावेळी तालुकाध्यक्ष प्रदीप चांदेलकर यांसह दिपक जाधव, संदिप गवस, बाबा खतिफ, नवराज कांबळे, संदेश वरक आदी उपस्थित होते.
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.
Related Posts
