ऑनलाईन टीम / मुंबई :
महाराष्ट्रात मागील 24 तासात 14, 219 रुग्ण कोरोनामुक्त झाले आहेत. राज्यात आतापर्यंत 5 लाख 02 हजार 490 रुग्ण कोरोनामुक्त झाले असून, त्यांना डिस्चार्ज देण्यात आला आहे. राज्यातील कोरोना रुग्ण बरे होण्याचे प्रमाण सध्या 72.47 % आहे.
दरम्यान, मागील 24 तासात राज्यात 11,015 नवे कोरोनाबाधित रुग्ण आढळले. त्यामुळे राज्यातील एकूण कोरोनाबाधितांची संख्या 6 लाख 93 हजार 398 वर पोहचली आहे. सध्या 1 लाख 68 हजार 126 रुग्ण उपचार घेत आहेत. सोमवारी दिवसभरात 212 कोरोनाबाधितांचा मृत्यू झाला. तर मृतांचा एकूण आकडा 22 हजार 465 एवढा आहे. सध्या राज्यातील मृत्यू दर 3.24 % आहे.
प्रयोगशाळेत आतापर्यंत तपासणीसाठी पाठविण्यात आलेल्या 36 लाख 63 हजार 488 नमुन्यांपैकी 6 लाख 93 हजार 398 रुग्णांचे रिपोर्ट पॉझिटिव्ह आले आहेत. सध्या राज्यात 12 लाख 44 हजार 024 लोक होम क्वारंटाईनमध्ये असून, 33 हजार 922 लोक संस्थात्मक क्वारंटाईनमध्ये आहेत.
