वृत्तसंस्था/ सेंट जॉर्ज
येथे झालेल्या तिसऱया टी-20 सामन्यात तबरेझ शमसीने केलेल्या भेदक माऱयाच्या बळावर दक्षिण आफ्रिकेने विंडीजवर केवळ एका धावेने रोमांचक विजय मिळविला. पाच सामन्यांच्या मालिकेत द.आफ्रिकेने आता 2-1 अशी आघाडी घेतली आहे. 13 धावांत 2 बळी टिपणाऱया शमसीला सामनावीराचा बहुमान मिळाला.
विंडीजकडून प्रथम फलंदाजी मिळाल्यावर द.आफ्रिकेने 20 षटकांत 8 बाद 167 धावा जमविल्या. क्विन्टॉन डी कॉकने 51 चेंडूत 5 चौकार, 2 षटकारांसह 72, रासी व्हान डर डय़ुसेनने 24 चेंडूत 32 धावा फटकावल्या. विंडीजच्या ओबेद मकॉयने भेदक मारा करीत 22 धावांत चार बळी मिळविले तर ड्वेन ब्रॅव्होने 25 धावांत 3 बळी टिपले. त्यानंतर विंडीजला 20 षटकांत 7 बाद 166 धावांवर रोखत द.आफ्रिकेने थरारक विजय नोंदवला. शमसीने अचूक माऱयावर एविन लुईस व शमरॉन हेतमेयर या प्रमुख फलंदाजांना बाद केले तर नॉर्त्जेने 2, लिन्डे, एन्गिडी व रबाडा यांनी प्रत्येकी 1 बळी मिळविला.
संक्षिप्त धावफलक ः द.आफ्रिका 20 षटकांत 8 बाद 167 ः डी कॉक 51 चेंडूत 72, डय़ुसेन 24 चेंडूत 32, मार्करम 18 चेंडूत 23, हेन्ड्रिक्स 11 चेंडूत 17, अवांतर 16, मकॉय 4-22, ब्रॅव्हो 3-25. विंडीज 20 षटकांत 7 बाद 166 ः पूरन 26, रसेल 25, लुईस 27, सिमॉन्स 22, शमसी 2-13, नॉर्त्जे 2-29.
