शहरासह तालुक्यात दिलासा दायक चित्र
प्रतिनिधी / तासगाव
तासगाव शहरासह तालुक्यात सलग तीन दिवसात एकाही कोरोना बाधित रुग्णाचा मृत्यू झालेला नाही ,हे तालुक्यासाठी दिलासादायक आहे . तर तासगाव शहरात सलग दोन दिवस रुग्ण संख्या कमी पहावयास मिळाली आहे. तालुक्यात 141 दिवसात कोरोना बाधित रूग्णाची संख्या 2158 झाली आहे.
मंगळवारचे रुग्ण असे – तासगाव-3,अंजनी-2,आरवडे-6, विसापूर-4, गोटेवाडी-2, वासुंबे-3, राजापूर-2, सावळज-8, कवठेएकंद-2 तसेच मणेराजुरी, चिंचणी, धुळगांव, लोकरेवाडी, येळावी, हातनोली, कुमठे, सावर्डे, डोंगरसोनी येथे प्रत्येकी एक असे एकूण 41 रूग्ण सापडले आहेत.
तालुक्यात गेल्या तीन दिवसात एका ही रूग्णाचा मृत्यू झालेला नाही, तर तासगाव शहरात सलग दोन दिवसात प्रत्येकी असे सहा रूग्ण सापडले असून हे तालुक्यासह शहरासाठी दिलासा दायक आहे.
