ऑनलाईन टीम / पश्चिम सिंगभूम :
झारखंडमधील पश्चिम सिंगभूममधील होयाहातू गावातील वनक्षेत्रात गुरुवारी आयईडी स्फोट झाला. नक्षलवाद्यांनी लावलेल्या आयईडी स्फोटात झारखंड जग्वार युनिटचे तीन जवान शहीद झाले, तर अन्य दोन जवान जखमी झाले.
मिळालेल्या माहितीनुसार, आज सकाळी 8.45 मिनिटांनी हा स्फोट झाला. झारखंड जगुआर ऑफ स्टेट पोलिसांचे दोन जवान देखील या स्फोटामध्ये जखमी झाले आहेत. याशिवाय सीआरपीएफची 197 बटालियनचा देखील एक जवान जखमी झाल्याची माहिती समोर आली आहे.
सीआरपीएफ आणि झारखंड जग्वार यांचे संयुक्त पथक शोध मोहीम राबवित आहे, अशी माहिती झारखंडचे डीजीपी नीरज सिन्हा यांनी दिली. पोलिसांनी सांगितले की, नक्षलवाद्यांनी आयडी पेरून ठेवले होते. या स्फोटानंतर परिसरात शोध मोहीम सुरू करण्यात आली आहे.
