पुणे / प्रतिनिधी
नॅशनल टेस्टिंग एजन्सीद्वारे (एनटीए) हॉटेल मॅनेजमेंट अभ्यासक्रमाच्या प्रवेशासाठी घेतली जाणारी एनसीएचएम जेईई परीक्षा आणि सीबीएसई बारावीच्या अर्थशास्त्र विषयाची परीक्षा एकाच दिवशी असल्याने 28 मे रोजी होणारी जेईई परीक्षा आता 18 जूनला घेतली जाणार आहे. एनटीएतर्फे 28 मे रोजी एनसीएचएम जेईई परीक्षा घेणार असल्याचे जाहीर करण्यात आले होते. मात्र, त्याच दिवशी बारावीच्या अर्थशास्त्र विषयाचा पेपर आहे. परिणामी हॉटेल मॅनेजमेंट अभ्यासक्रमास प्रवेश घेऊ इच्छिणाऱया विद्यार्थ्यांची मोठी अडचण झाली होती. त्यामुळे जेईई परीक्षेच्या अभ्यासक्रमात बदल करावा, अशी मागणी करण्यात आली होती. त्यानुसार आता 28 मे रोजी होणारी जेईई परीक्षा 18 जूनला होणार आहे.
