जूनमध्ये लसीची अपेक्षा

कोरोनावरची प्रभावी लस जून 2021 पर्यंत उपलब्ध होईल, अशी अपेक्षा ब्राझीलचे आरोग्यमंत्री अंटोनिओ बारा टोरेस यांनी व्यक्त केली आहे. जगभरात अनेक देशांमध्ये लसीवर संशोधन सुरू आहे. ब्राझीलनेही ती तयार करण्याचे प्रयत्न चालविले असून तयार स्वरूपातील लस येत्या आठ महिन्यांमध्ये हाती येईल, असा विश्वास त्यांनी व्यक्त केला.  तोपर्यंत सरकार तिच्या जलद वितरणाची व्यवस्था करून ठेवणार असल्याचे त्यांनी स्पष्ट केले. ब्राझीलमध्ये पुन्हा नव्या रूग्णांची संख्या मोठय़ा प्रमाणात वाढत आहे.