जूनमध्ये ऊर्जा वापरात वाढ

 नवी दिल्ली : देशात गेल्या जून महिन्यामध्ये ऊर्जा वापरात 10 टक्के इतकी वाढ झाली आहे. देशभरात जूनमध्ये 115 अब्ज युनिट विजेचा वापर करण्यात आला आहे. मागच्या वर्षी म्हणजेच 2020 मध्ये 105 अब्ज युनिट इतका विजेचा वापर करण्यात आला होता. मागच्या वर्षी जूनमध्ये कोरोना पहिल्या लाटेच्या तीव्रतेमुळे विजेच्या वापरावर मोठा परिणाम दिसला होता. अनेक व्यवहार, उद्योग त्याकाळात बंदच ठेवण्यात आलेले होते. त्यामुळे विजेची मागणी कमी दिसली होती.