ऑनलाईन टीम / वॉशिंग्टन :
जगभरात कोरोनाने आतापर्यंत नऊ लाखांहून अधिक बळी घेतले आहेत. जगात 2 कोटी 77 लाख 33 हजार 432 जणांना कोरोनाची बाधा झाली असून, त्यामधील 9 लाख 01 हजार 833 रुग्णांचा मृत्यू झाला आहे. 1 कोटी 98 लाख 27 हजार 663 रुग्ण या आजारातून बरे झाले असून, अजूनही 70 लाख 03 हजार 936 ॲक्टिव्ह केसेस आहेत. त्यामधील 60 हजार 444 केसेस गंभीर आहेत. वर्ल्डोमीटर या संकेतस्थळाने ही आकडेवारी प्रसिद्ध केली आहे.
कोरोना रुग्णवाढीची आणि मृतांची संख्या अमेरिकेत सर्वाधिक आहे. अमेरिकेत आतापर्यंत 65 लाख 14 हजार 231 जणांना कोरोनाचा संसर्ग झाला आहे. तर 1 लाख 94 हजार 032 रुग्णांचा मृत्यू झाला आहे. अमेरिकेनंतर भारतात कोरोनाचे सर्वाधिक रुग्ण आहेत. भारतात 43 लाख 67 हजार 436 जणांना कोरोनाचा संसर्ग झाला असून, 73 हजार 923 जणांचा मृत्यू झाला आहे.
ब्राझील कोरोनाबळींच्या संख्येत जगात दुसऱ्या क्रमांकावर आहे. ब्राझीलमध्ये 41 लाख 65 हजार 124 जणांना कोरोनाचा संसर्ग झाला आहे. तर 1लाख 27 हजार 517 जण दगावले आहेत.
