प्रतिनिधी / सातारा
सातारा येथून सुपनेकर हॉलकडून येणाऱ्या रस्त्यावर दुचाकीवर थांबलेल्या दोन चोरट्यांनी हा प्रकार घडला आहे.या चोरट्यांनी एका महिलेच्या गळ्यातील हिसकावून पलायन केले. हा प्रकार सीसीटीव्हीमध्ये कैद झाला असून चोरटय़ांनी जो नेकलेस पळवून नेला तो नकली होता. याचा गुन्हा शाहूपुरी पोलीस ठाण्यात नोंद झाला आहे.
याबाबतची पोलिसांनी दिलेली माहिती अशी की, अनुराधा सचिन गाडे (वय 43, रा. 770/1, शनिवार पेठ, सातारा) आणि त्यांच्या सासू या बागवान चौक ते सुपनेकर हॉल या रस्त्याने पायी चालत निघाल्या होत्या. त्या यादोगोपाळ पेठेत एका घराजवळ आल्या असता तेथे एका काळ्या रंगाच्या दुचाकीवर दोन अनोळखी मुले बसलेली त्यांना दिसून आली.
यापैकी मागे बसलेल्या चोरटे अनुराधा यांना जोराने धक्का मारत त्यांच्या गळ्यातील गंठण हिसकावले आणि बागवान चौकाकडे पलायन केले. या घटनेनंतर अनुराधा गाडे यांनी तत्काळ या घटनेची तक्रार शाहूपुरी पोलीस ठाण्यात दिल्यानंतर त्या अज्ञात दोन चोरटयांच्या विरोधात गुन्हा दाखल करण्यात आला. दरम्यान, घटनास्थळी सहायक पोलीस अधीक्षक आंचल दलाल यांनी भेट दिली. या घटनेचा अधिक तपास सहायक फौजदार बरकडे करत आहेत.
