गृहकर्ज व्यवसायात 76 टक्के वाढ

मुंबई : मार्च 2021 अखेर तिमाहीत गृहकर्ज वित्त कंपन्यांनी 79 हजार 43 कोटींची गृहकर्जे वितरीत करून व्यवसायात 76 टक्के इतकी वाढ दर्शवली आहे. आर्थिक वर्ष 2020 मध्ये मार्चअखेरच्या तिमाहीत 44 हजार 907 कोटींचे कर्ज वितरीत करण्यात आले होते. स्थावर मालमत्ताविषयक कर्जाच्या व्यवसायातही 21 टक्के वाढ झाली असून मार्चअखेरच्या तिमाहीत 23 हजार 418 कोटींचे कर्ज वितरीत केले गेले. स्टॅम्प डय़ुटीत दिलेल्या सवलतीचा फायदा उठवत अनेकांनी गृहकर्ज घेतल्याचे दिसून आले.