उचगांव / वार्ताहर
गांधीनगर (ता.करवीर ) पोलिस ठाण्याच्या चारचाकी गाडीला रात्रीची गस्त घालताना शुक्रवारी पहाटे मोठा अपघात झाला. चिंचवाड गांधीनगर रस्त्यावर महावीर कलेक्शन दुकानाजवळ हा अपघात घडला. यात एक पोलिस अधिकारी, चालक व पोलिस, होमगार्ड असे चारजण जखमी झाले. गाडीचे मोठे नुकसान झाले आहे. याबाबत गांधीनगर पोलिसांत अपघाताचा गुन्हा नोंद झाला आहे.
चिंचवाड गांधीनगर रस्त्यावर शुक्रवारी पहाटे रात्रीची गस्त घालत असताना काहीतरी आडवे आल्याने गाडी रस्त्याकडेला असणाऱ्या पिंपळाच्या झाडाला जोरदार धडक बसली. यात पोलिस उपनिरीक्षक अतुल कदम यांना डोक्याला दुखापत झाली. तर चालक संजय कोले, पोलिस राजू चव्हाण, होमगार्ड तानाजी वळकुंजे हे जखमी झाले. गाडीचे मोठे नुकसान झाले आहे.
