ऑनलाईन टीम / मुंबई :
गांधी घराणे हेच काँग्रेसचे आधारकार्ड आहे. राहुल गांधी यांच्यात नेतृत्व करण्याची क्षमता आहे, असे मत शिवसेना खासदार संजय राऊत यांनी व्यक्त केले.
पुढे ते म्हणाले, गांधी परिवार हेच काँग्रेसचे आधारकार्ड आहे. त्यामुळे बाहेरच्या व्यक्तीने काँग्रेसचे नेतृत्व करावे, अशी मागणी कोणी करत असेल तर ती तितकीशी संयुक्तिक वाटत नाही. गांधी परिवाराबाहेरचे कुणी दिसत नाही, की जे पक्षाला पुढे घेवून जातील. राहुल गांधींनी उत्तम नेतृत्व केल्यानेच राजस्थान, मध्य प्रदेश, छत्तीसगढमध्ये सत्ता मिळाली. राहूल गांधी यांच्यात नेतृत्व करण्याची क्षमता आहे, असेही राऊत यांनी यावेळी सांगितले.
जे वडडेट्टिवार यांच्या मनात आहे, ते राहुल गांधी यांच्या मनात नाही. राहुल गांधींशी आमचे चांगले संबंध आहेत. हे सरकार चालावेत, याच मताचे राहुल गांधी आहेत, असेही राऊत यांनी यावेळी स्पष्ट केले.
