प्रतिनिधी / शाहुवाडी
उचत ता. शाहूवाडी येथे आणखी एक कोरोना पॉझिटिव्ह रुग्ण आढळला एका २४ वर्षीय तरुणाला कोरोनाची लागण झाली. हा तरुण शाहूवाडी तालुक्यातील उचतमधील आहे. तो उचत येथील आधीच्या पॉझिटिव्ह रुग्णाचा पुतण्या आहे. तो तबलिगीच्या संपर्कात आला होता. शाहूवाडी तालुक्यात पुन्हा एकदा घबराट पसरली.
9 एप्रिल रोजी कोरोना रूग्ण सापडला होता. त्याची आईही पॉझिटिव्ह आली होती तर आता तिसरा रुग्ण सापडल्याने तालुक्यात एकच खळबळ माजली आहे. आज सापडलेला 24 वर्षीय युवक हा पहिल्या रुग्णाच्या संपर्कात आला होता तर आज सापडलेला 24 वर्षीय युवक हा व्यवसायाने रिक्षाचालक असल्याने आता त्याच्या संपर्कात आलेल्यांची संख्या किती असणार याची चिंता सर्वांनाच लागून राहिली आहे.
जिल्ह्यात आता कोरोनाग्रस्त रुग्णांची संख्या सात वर गेली आहे. त्यामुळे नागरिकांच्यात आता भीतीचे वातावरण पसरले आहे.
