प्रतिनिधी / कोल्हापूर
कोल्हापूर महानगरपालिकेचे 44 वे स्थायी समिती सभापती म्हणून राष्ट्रवादीचे नगरसेवक तथा दिलबार तालमीचे स्टार फुटबॉलपटू सचिन पाटील यांची शुक्रवारी बिनविरोध निवड झाली.
जिल्हाधिकारी तथा पीठासीन अधिकारी दौलत देसाई यांच्या अध्यक्षतेखाली झालेल्या सभेत पाटील यांच्या निवडीची औपचारिक घोषणा करण्यात आली. या वेळी नुतन सभापती पाटील यांनी कोरोनाच्या काळात नॉन कोविड रुग्णांसाठी सावित्रीबाई फुले रूग्णालयात 50 ऑक्सिजन बेडचा स्वतंत्र वॉर्ड उभारणार असल्याचे स्पष्ट केले.
