वार्ताहर / आवळी बुद्रुक
राधानगरी तालुक्यातील कसबा तारळे येथील भोगावती नदीतील पाण्याच्या वेगवान प्रवाहाचा अंदाज न लागल्यामुळे दोन म्हशी व एक रेडी पाण्यात बुडून मेल्या . कृष्णा दत्तू सायेकर यांच्या मालकीच्या या म्हशी असून त्यांचे यामुळे दीड लाखांचे नुकसान झाले.
याबाबत घटनास्थळावरून समजलेली माहिती अशी, सायेकर हे आज सकाळी अकरा वाजता तीन जनावरे घेऊन नदीला गेले होते. रोजच्या सवयीप्रमाणे पाणी पिण्यासाठी ही जनावरे नदीत गेली.पण मोठ्या प्रवाहामळे ती वाहून जावू लागली. थोड्या अंतरावरील सरनोबतांची मळी शेता जवळ ती पोहोचली पण त्यांचे गळ्यातील दोर तेथील झाडाना अडकून ती तेथेच बुडाली. दरम्यान ही घटना समजताच माजी उपसरपंच संभाजी पाटील, आनंद जोशी, सुरेश सायेकर, बाजीराव जोशी, विकास बावडेकर यांनी मेलेल्या जनावरांचे दोर कापून बाहेर काढण्यात आले.
