कोरोना मृत्यू 21, नवे रूग्ण 1061, कोरोनामुक्त 1101, जिल्ह्यात सक्रीय रूग्णांमध्ये घट, गगनबावडा तालुक्यात सलग तिसऱ्या दिवशी नवी रूग्ण नोंद शुन्य
प्रतिनिधी / कोल्हापूर
जिल्ह्यात बुधवारी, गेल्या 24 तासांत कोरोनाने 21 जणांचा मृत्यू झाला. दिवसभरात 1 हजार 61 नवे रूग्ण आढळले तर 1 हजार 101 कोरोनामुक्त झाले. सक्रीय रूग्णसंख्या 13 हजार 118 झाली आहे. कोरोना मृत्यू, नवे रूग्णांत वाढ झाली असली, तरी सक्रीय रूग्णांत घट झाली आहे. गगनबावडा तालुक्यात सलग तिसऱया दिवशी नव्या रूग्णांची नोंद शुन्य राहिली आहे.
जिल्ह्यात बुधवारी कोरोनाने 21 जणांचा मृत्यू झाला. आजपर्यत कोरोना बळींची संख्या 5 हजार 285 झाली आहे. यात ग्रामीण भागातील 2 हजार 851, नगरपालिका क्षेत्रात 746, शहरात 1 हजार 129 तर अन्य 559 आहेत. दिवसभरात 1 हजार 101 जण कोरोनामुक्त झाले. कोरोनामुक्तांची संख्या 1 लाख 71 हजार 580 झाली आहे. गेल्या 24 तासांत 1 हजार 65 नवे रूग्ण आढळले. यामध्ये आजरा 45, भुदरगड 14, चंदगड 14, गडहिंग्लज 50, गगनबावडा 0, हातकणंगले 140, कागल 132, करवीर 159, पन्हाळा 51, राधानगरी 29, शाहूवाडी 42, शिरोळ 80, नगरपालिका क्षेत्रात 87, कोल्हापुरात 159 तर अन्य 7 जणांचा समावेश आहे. रूग्णसंख्या 1 लाख 89 हजार 983 झाली आहे.
शेंडा पार्क येथील आरटीपीसीआर लॅबमधून बुधवारी 18 हजार 741 अहवाल आले. त्यापैकी 17 हजार 673 निगेटिव्ह आहेत. यामध्ये आरटीपीसीआर टेस्टचे 4 हजार 280 अहवाल आले. त्यातील 4 हजार 165 निगेटिव्ह आहेत. ऍन्टीजेन टेस्टचे 3 हजार 152 अहवाल आले. त्यातील 2 हजार 897 निगेटिव्ह आहेत. ट्रुनेट टेस्टचे 11 हजार 309 रिपोर्ट आले. त्यातील 10 हजार 611 निगेटिव्ह आहेत.
शहरातील 7 जणांचा परजिल्ह्यातील दोघांचा कोरोनाने मृत्यू
जिल्ह्यातील 21 मृत्यूंमध्ये परजिल्ह्यातील सांगली आणि बेळगाव येथील दोघांचा मृत्यू झाला. कोल्हापूर शहरातील 7 जणांचा कोरोनाने मृत्यू झाला. यामध्ये रंकाळा, भोसलेवाडी, इंद्रजित कॉलनी मार्केट यार्ड, बालाजी पार्क शाहू कॉलनी, धनवडे गल्ली, शुक्रवार पेठ जरगनगर, कदमवाडी येथील व्यक्तींचा समावेश आहे.
कोरोना रूग्ण : 1061 एकूण : 1,89,983
कोरोनामुक्त : 1101 एकूण : 1,71,580
कोरोना मृत्यू : 21 एकूण मृत्यू : 5285
सक्रीय रूग्ण : 13118
