राधानगरी येथे कोरोना आढावा बैठक संपन्न
प्रतिनिधी / राधानगरी
कोरोनाच्या तिसऱ्या लाटेच्या अनुषंगाने जीवितहानी टाळण्यासाठी सक्षम यंत्रणा उभारण्यासाठी सर्वोतोपरी मदत करण्याची ग्वाही देत तिसऱ्या लाटेला सक्षमपणे तोंड देण्यासाठी अधिकाऱ्यांना सूक्ष्म नियोजन करण्याच्या सूचना पालकमंत्री सतेज पाटील यांनी दिल्या. ते राधानगरी येथे झालेल्या कोरोना आढावा बैठकीत बोलत होते.
राधानगरी तालुक्यात कोरोनाच्या दुसऱ्या लाटेत अकराशे कोरोना पॉझिटिव्ह रुग्ण आढळले आहेत. यामधील ८६३ रुग्ण बरे झालेत तर २१४ रुग्णांवर उपचार सुरू आहेत. यावेळी आरोग्य अधिकारी राजेंद्र शेटे, वैद्यकीय अधीक्षक गणपती गवळी यांनी आरोग्याबाबत अडचणी मांडल्या,यावेळी पालकमंत्री पाटील यांनी राधानगरी इथं लहान मुलाच्यासाठी ५० बेडचे नवीन कोविड सेंटर सुरू करण्याबाबत सूचना देत दोन व्हेंटिलेटरवर बेड, राधानगरीसाठी एक रुग्ण वाहिका, तसेच दोन व्हेंटिलेटर बेडसाठी लागणारी मदत देण्याची ग्वाही दिली.
तिसऱ्या लाटेच्या पार्श्वभूमीवर तालुक्यातील कोमोरडीन मुलांचा सर्वे वेळेत पूर्ण करून दक्ष राहण्याच्या सूचना केल्या, बालरुग्ण विभाग, बालरूग्ण कक्ष स्थापन करणे, बालरोगतज्ञ उपलब्ध करण्यासाठी जाहिरात काढून ताबडतोब पद भरती करण्याच्या सूचनाही यावेळी आरोग्य विभागाला केली.
या बैठकीला आमदार प्रकाश आबिटकर, आमदार ऋतुराज पाटील, गोकुळ संचालक अभिजित तायशेट्टे, गोकुळ संचालक अरुणकुमार डोंगळे, किसन चौगुले, राष्ट्रवादी काँग्रेस पक्षाचे जिल्हाध्यक्ष ए वाय पाटील, जिल्हा परिषद सदस्य पांडुरंग भांदीगरे, अरुण जाधव, राधानगरी पंचायत समिती सभापती वंदना हाळदे उपसभापती मोहन पाटील, हिंदुराव चौगले, सदाशिवराव चरापले, आर के मोरे, राधानगरी तहसीलदार मीना निंबाळकर, गटविकास अधिकारी डॉ. संदीप भंडारी ,कार्यकारी अभियंता तुषार बुरुड, उपकार्यकारी अभियंता सागर डोंगरे, अमित पाटील, डॉ. पद्मावती भोकरे कार्यकारी अभियंता अनिल पाटील, अशोक माने, पोलीस उपनिरीक्षक उदय डुबल सुरेश खैरे, शैलेश मोरस्कर, सुधीर जाधव ,शहाजी ढेरे, सुशील पाटील, सचिन घोरपडे, बाळासाहेब गुरव आदी उपस्थित होते.
