प्रतिनिधी / कसबा बीड
कोगे तालुका करवीर येथील हळूहळू कोरोनाचा शिरकाव वाढू लागला आहे. काही दिवसांपूर्वीच जवळपास 8 लोकांचा अहवाल पॉझिटिव्ह आला होता. त्यामध्ये आज आणखीन दोन जणांचा अहवाल पॉझिटिव आल्याने धोका वाढत आहे. हा विषय गांभीर्याने घेणे गरजेचे आहे.
जवळपास 45 लोकांचा स्वॅब घेण्यात आला होता. यापैकी आज अखेर दहा लोकांचा अहवाल पॉझिटिव्ह व जवळपास 35 लोकांचा अहवाल निगेटिव्ह आला आहे.
पॉझिटिव्ह अहवाल आलेल्या भागामध्ये लॉकडाऊन करून आरोग्य सेवक व आशा अंगणवाडी सेविका यांच्यामार्फत सूचना देण्यात आल्या आहेत. त्यामुळे ग्रामपंचायत व कोरोना समिती यांच्यामार्फत नागरिकांनी सोशल डिस्टंन्सिंग, मास्क व आधी नियमाचे पालन करून कोरोनाची संसर्गजन्य साखळी तोडण्यास मदत करावी, असे आवाहन करण्यात आले आहे.
