बेंगळूर/प्रतिनिधी
कर्नाटकात कोरोना सक्रिय रुग्णांची संख्या कमी झाली आहे. राज्यात लॉकडाऊननंतर पॉझिटिव्ह रुग्णसंख्येत मोठी घट झाली आहे. राज्यात सध्या सक्रिय रुग्णांची संख्या ३३ हजारांवर पोहोचली आहे. राज्यात गेल्या २४ तासात १,९९० नवीन रुग्णांची नोंद झाली. तर २,५३७ रुग्ण कोरोनावर मात करत रुग्णालयातून घरी परतले. तर राज्यात बुधवारी ४५ रुग्णांचा मृत्यू झाला.
राज्यात बेंगळूर शहरी जिल्ह्यात बुधवारी कोरोनाचे ४०० पॉझिटिव्ह रुग्ण आढळले. तर याचवेळी ४९० रुग्ण कोरोनावर मात करत रुग्णालयातून घरी परतले. तसेच जिल्ह्यात ८ कोरोना संक्रमित रुग्णांचा मृत्यू झाला.
दरम्यान, राज्यात आतापर्यंत एकूण कोरोना रुग्णांची संख्या २८.७६ लाखावर पोहोचली आहे. तर यापैकी २८.०६ रुग्ण कोरोनामुक्त झाले आहेत. तसेच आतापर्यंत ३५,९८९ रुग्णांचा मृत्यू झाला आहे. राज्यात सध्या एकूण सक्रिय रुग्णांची संख्या ३३,६४२ इतकी आहे.
