प्रतिनिधी / सातारा
कराडच्या कोल्हापूर नाक्यावर भरधाव ट्रकने दुचाकीला धडक दिल्याची घटना रविवारी दुपारी घडली. या भीषम अपघातात दुचाकीवरूल दोघांचा मृत्यू झाला असून मृत पुरूष व महिला काले (ता.कराड) येथील असल्याची प्राथमिक माहीती समोर आली आहे.
मिळालेल्या माहितीनुसार, कोल्हापूर नाका हा अपघात प्रवण क्षेत्र आहे. नाक्यावर कोल्हापूर-पुणे महामार्गावरून कराड शहरात प्रवेश करणाऱ्या दुचाकीला पाठीमागून आलेल्या भरधाव ट्रकने जोरदार धडक दिली. ट्रकने धडक दिल्यानंतर दुचाकीवरील दोघेही काही अंतरावर फरपटत गेले. त्यांच्या डोक्याला गंभीर मार लागला. या धडकेत दुचाकीवरील पुरूष व महिला जागीच ठार झाले. अपघातात ठार झालेले पुरूष व महिला काले येथील असल्याचे पोलिसांनी सांगितले. घटनेनंतर कोल्हापूर नाक्यावरील वाहतूक ठप्प झाली होती.
