गोकुळ शिरगाव / प्रतिनिधी:
सिद्धगिरी हॉस्पिटल अँन्ड रिसर्च सेंटर कणेरी मठ कोल्हापूर 21 एप्रिल रोजी सकाळी अकरा वाजता सिद्धगिरी हॉस्पिटलच्या कोविड केअरची सुरुवात कृषी निवासस्थानच्या इमारतीमध्ये चालू केले आहे.
काडसिद्धेश्वर स्वामीजींच्या मार्गदर्शनाखाली “रुग्ण सेवा हीच ईश सेवा” ह्या ब्रीद वाक्याने सर्वसामान्य गरजू लोकांना अगदी माफक दरामध्ये कोरोना रोगावरील उपचार मिळावेत व गरजू लोकांची सेवा घडावी ह्या उद्देशाने कोविड युनिट २ ची सुरुवात करण्यात आली आहे. ह्या कोरोना युनिटमध्ये १०० बेडसह ३० ऑक्सिजनयुक्त बेड व १० बेड व्हेंटिलेटरची सुविधा असणारे सुसज्ज असे कोविड केअर सेंटरची सुरुवात करण्यात आली आहे. त्याचबरोबर कोरोना आजारावरील उत्तम दर्जाची उपचारपद्धतीसुद्धा अगदी माफक दरामध्ये करण्याची सुविधा उपलब्ध करण्यात आली आहे. आणि सर्वात महत्वाची बाब अशी कि नियमित कार्यरत असे सिद्धगिरी हॉस्पिटल अँन्ड रिसर्च सेंटर ही मुख्य इमारत इतर रोगांवरील रुग्णांसाठी कार्यरत असणार आहे.
ह्या कोविड केअर सेन्टरच्या उद्घाटनप्रसंगी मुप्पीन काडसिद्धेश्वर स्वामीजी,सिद्दगिरी हॉस्पिटलचे डॉ.शिवशंकर मरजक्के,डॉ.रेशम रजपूत,डॉ.प्रकाश भरमगौडर,डॉ.सौरभ भिरूड,डॉ.तनिष पाटील,डॉ.नीता मोरेःडॉ.सचिन पाटील,डॉ.जितेंद्र रजपूत, एम् डी पाटील,गुरुकुलचे प्रल्हाद जाधव तसेच सिद्धगिरी हॉस्पिटलचे वैद्यकीय अधिकारी व कर्मचारी,जनसंपर्क अधिकारी प्रविण सुतार व सिद्धगिरी परिवारातील सर्व सदस्य व भक्तगण उपस्थित होते.
