ऑनलाईन टीम / मुंबई :
लिक्विड मेडिकल ऑक्सिजनने भरलेले तीन टँकर घेऊन ऑक्सिजन एक्सप्रेस आज मुंबईतील कळंबोली येथे दाखल झाली आहे. ही एक्सप्रेस रविवारी सायंकाळी 6 वाजता गुजरातमधील हापा येथून सुटली होती.
या एक्सप्रेसवरील तीन टँकर्सने अंदाजे 44 टन लिक्लिड मेडिकल ऑक्सिजन वाहून आणला आहे. ही ऑक्सिजन एक्सप्रेस हापा येथून विरमगाव, अहमदाबाद, वडोदरा, सूरत, वसई रोड आणि भिवंडी रोड मार्गे कळंबोलीला पोहोचली आहे. या ऑक्सिजन एक्सप्रेसच्या वेगवान हलचालींसाठी ग्रीन कॉरिडॉर करण्यात आला आहे. देशभरातील गरजू कोविड रुग्णांना ऑक्सिजनचा पुरवठा व्हावा, या हेतूूने रिलायन्स इंडस्ट्रीज, जामनगर यांच्याकडून हा ऑक्सिजनचा पुरवठा करण्यात आला आहे.
