फौजदारी प्रक्रिया संहिता 1973 चे कलम 144 लागू
प्रतिनिधी / सांगली
सांगली जिल्ह्यात 20 सप्टेंबर ते 1ऑक्टोबर 2021 या कालावधीत ऑनलाईन पध्दतीने एमएचटी – सीईटी परीक्षा-2021 जिल्ह्यातील एकूण चार केंद्रावर सकाळी 7 वाजल्यापासून ते रात्री 7 वाजेपर्यंत घेण्यात येणार आहे. परीक्षा केंद्राच्या ठिकाणी शांतता व सुव्यवस्था राखण्याच्या दृष्टीने जिल्हादंडाधिकारी डॉ. अभिजीत चौधरी यांनी परीक्षा केंद्राच्या इमारतीपासून 100 मीटरच्या सभोवतालच्या परिसरात परीक्षा कालावधीत व वेळेत फौजदारी प्रक्रिया संहिता 1973 चे कलम 144 लागू केले असून खालील कृत्यांना मनाई केली आहे.
परीक्षा वेळेत दोन किंवा त्यापेक्षा जास्त लोकांनी फिरण्यास, एकत्रित गटागटाने फिरण्यास व उभा राहण्यास मनाई केली आहे. परीक्षा वेळेत परिक्षा केंद्राच्या परिसरातील झेरॉक्स मशिन, टेलिफोन बुथ, फॅक्स मशीन, ध्वनीक्षेपक यांचा परिक्षा संदर्भात कोणत्याही गैरप्रकारासाठी वापरण्यास मनाई केली असून परिक्षा केंद्रात मोबाईल नेण्यास मनाई केली आहे. हा आदेश कायदेशीर कर्तव्य बजावित असलेल्या शासकीय कर्मचाऱ्यांना व धार्मिक विधी यांना लागू राहणार नाही.
