मुंबई : मागील काही महिन्यांपासून कोरोना संकटाचा प्रभाव देशातील विविध क्षेत्रांवर राहिल्याचे पहावयास मिळाले आहे. परंतु याच काळात काही क्षेत्रांची अत्यावश्यक सेवा म्हणून सुरु राहिली होती. यात बँकिंग क्षेत्राचाही समावेश आरबीआय केले होता. सदर कामगिरीनंतर चालू आर्थिक वर्षात नफा कमाईचा अहवाल सादर करण्यात आला आहे. यामध्ये दुसऱया तिमाहीत एचडीएफसी बँकेचा नफा 7,513 कोटी रुपयाचा झाला. जो मागील वर्षातील समान तिमाहीच्या तुलनेत 18.4 टक्क्यांनी अधिक राहिल्याची नोंद आहे. मागील वर्षात बँकेला जवळपास 6,345 कोटीचा फायदा झाला होता. सप्टेंबर तिमाहीत कंपनीचा निव्वळ व्याजातून झालेला फायदा हा 16.7 टक्क्यांनी वधारुन 15,776 कोटीवर राहिला होता. बँकेच्या कर्ज वितरणात 16 टक्क्यांची वाढ पहावयास मिळाली असून ठेवीमध्ये 20 टक्क्यांची तेजी राहिली असल्याची माहिती बँकेने 5 ऑक्टोबररोजी दिली होती. सप्टेंबर तिमाहीपर्यंत एकूण ठेव 12.3 लाख कोटी रुपये झाली आहे. बँकेचा चालू आणि बचत खात्यांचा सरासरी दर हा 42 टक्क्यांवर राहिला आहे. जो सप्टेंबर 2019 मध्ये 39.3 टक्के आणि जून 2020 मध्ये हा टक्का 40 वर राहिल्याची माहिती बँकेने दिली आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
