प्रतिनिधी/ बेळगाव
उद्यमबाग येथील एका चहाच्या टपरीला आग लागून नुकसान झाले आहे. रविवारी मध्यरात्रीनंतर ही घटना घडली असून आगीचे निश्चित कारण समजू शकले नाही.
आनंद रायाप्पा गुजनाळ हे छोटीशी चहाची टपरी चालवितात. रविवारी दुकान बंद करताना त्यांनी देवाच्या फोटोसमोर दिवा लावला होता. दिवा उलटून आगीची घटना घडली असावी असा संशय आहे. मध्यरात्री 2 वाजण्याच्या सुमारास आग लागली. आगीत टपरीतील सर्व साहित्य जळून खाक झाले आहे.
