ऑनलाईन टीम / देहरादून :
उत्तराखंडात कोरोना रुग्णांच्या संख्येत आणि मृत्यूंच्या संख्येत मोठ्या प्रमाणात घट झाली आहे. प्रदेशात मागील 24 तासात आतापर्यंतचे सर्वात कमी म्हणजेच 19 नवीन कोरोना रुग्ण आढळून आले आहेत. तर कोरोनामुळे एकही रुग्णांचा मृत्यू झाला नाही. त्यामुळे प्रदेशातील एकूण संख्या 3 लाख 41 हजार 452 वर पोहचली आहे.
तर कालच्या दिवशी 52 रुग्णांना डिस्चार्ज देण्यात आला. तर आतापर्यंत 3 लाख 27 हजार 464 रुग्ण कोरोनामुक्त झाले असून त्यांना घरी सोडण्यात आले आहे.
आरोग्य विभागाकडून मिळालेल्या माहितीनुसार, मागील 24 तासात 18,836 नमुने निगेटिव्ह आले आहेत. तर पाच जिल्ह्यात अल्मोडा, बागेश्वर, चंपावत, नैनिताल आणि उत्तरकाशीमध्ये एकही रुग्ण आढळून आला नाही. तर चमोली 1, देहरादून 6, हरिद्वारमध्ये 4, पौडी, पिथोरागड, टिहरी आणि उधमसिंह नगरमध्ये एक – एक आणि रुद्रप्रयागमध्ये 4 रुग्ण आढळून आले आहेत.
दरम्यान, प्रदेशात आतापर्यंत 7,356 जणांचा मृत्यू झाला आहे. सद्य स्थितीत प्रदेशात 623 रुग्णांवर उपचार सुरू आहेत. रुग्ण बरे होण्याचे प्रमाण 95.90 टक्के इतके आहे.
