ऑनलाईन टीम / देहरादून :
उत्तराखंडात मागील 24 तासात 874 नव्या कोरोना रुग्णांची नोंद झाली. तर राज्यात कोरोनाबाधितांची एकूण संख्या 42 हजार 651वर पोहचली आहे, अशी माहिती आरोग्य सचिव युगल किशोर पंत यांनी दिली.
मिळालेल्या माहितीनुसार, काल 10,891 रिपोर्ट निगेटिव्ह आले. काल आढळलेल्या 874 रुग्णांमध्ये अलमोरा जिल्ह्यात 34, बागेश्र्वर 12, चमोली 23, चंपावत 1, देहरादून 368, हरिद्वार 62, नैनिताल 76, पौरी गरवाल 42, पिथोरगड 17, रुद्र प्रयाग 10,तेहरी गरवाल 28, यू एस नगरमधील 158 आणि उत्तर काशीमधील 43 जणांचा समावेश आहे.
- एका दिवसात 1107 रुग्ण कोरोनामुक्त
दिलासादायक बाब म्हणजे मंगळवारी 1107 जणांना डिस्चार्ज देण्यात आला तर आतापर्यंत प्रदेशातील 30,107 रुग्णांची प्रकृती सुधारली असून त्यांना घरी सोडण्यात आले आहे. रुग्ण बरे होण्याचे प्रमाण 70.59 टक्के इतके आहे. तर सध्या 11 हजार 831 रुग्णांवर विविध रुग्णालयात उपचार सुरू आहेत, तर आतापर्यंत 512 रुग्णांचा मृत्यू झाला आहे, असे पंत यांनी यावेळी स्पष्ट केले.
