इचलकरंजी / प्रतिनिधी
इचलकरंजी शहरातील आज सायंकाळ पर्यन्त आलेल्या अहवालात 4 जणांचा अहवाल पॉझिटिव्ह आला आहे. घोडावत कॉलेज अतिग्रे येथे हे सर्वजण संस्थात्मक विलगिकरण कक्षात आहेत. प्राप्त अहवालामध्ये गुरूकन्नननगर येथील पॉझिटिव्ह आलेल्या यंत्रमाग कामगारांच्या संपर्कात आलेल्या ३७ वर्षीय व ४५ वर्षीय हे यंत्रमाग कामगार लिंबू चौक व गुरूकन्नननगर येथील आहेत.
तर कोरोना बाधित असणाऱ्या पालिका कर्मचाऱ्यांच्या १६ वर्षीय मुलगी व ५० वर्षीय बहिणीलाही कोरोनाची लागण झाली आहे. त्यामुळे शहरातील एकूण कोरोना बाधित रुग्णांची संख्या ५७ वर पोहचली असून यापैकी ४मयत व ६ कोरोनामुक्त झाले आहेत. उर्वरित ४७ जण उपचार घेत आहेत.
