ऑनलाइन टीम मुंबई
छत्रपती शिवाजी महाराजांची तुलना करणाऱया ‘आज के शिवाजी’ या पुस्तकावरून आधीच वाद सुरू आहे. यावरून आता, शिवाजी महाराजांचे वंशज व भाजपचे आमदार शिवेंद्रराजे भोसले संतापले आहेत. त्यांनी या पुस्तकावर लगेचच बंदी घाला, अशी मागणी भाजपा नेतृत्वाकडे केली आहे. यासंदर्भातील एक व्हिडिओ त्यांनी फेसबुकवर पोस्ट केला आहे.
ते म्हणाले, ‘छत्रपती शिवाजी महाराज किंवा छत्रपती संभाजी महाराज यांच्याशी कुणाचीही तुलना कधीच होऊ शकत नाही. पण पक्षात काही अतिउत्साही कार्यकर्ते, नेते आणि पदाधिकारी असतात. अशा अतिउत्साही कार्यकर्त्यांना आवर घालण्याची गरज आहे’, असं शिवेंद्रराजे म्हणाले. तसेच या पुस्तकाचं प्रकाशन झालं असलं तर ते थांबवावं किंवा ते पुढे वितरीत करू नये, असंही शिवेंद्र राजे भोसले म्हणाले आहेत.
