मुंबई \ ऑनलाईन टीम
राज्याचे उपमुख्यमंत्री अजित दादा पवार यांचा आज वाढदि आहे. त्यांच्या वाढदिवसानिमित्त विविध क्षेत्रातून त्यांच्यावर शुभेच्छांचा वर्षाव होतोय. त्यांचे पुतणे आणि राष्ट्रवादीचे नेते आमदार रोहित पवार यांनीही अजित पवारांना खास अंदाजात वाढदिवसाच्या शुभेच्छा दिल्या आहेत.
रोहित पवार यांनी अजित पवार यांच्या वाढदिवसानिमित्त खास इन्स्टाग्राम पोस्ट लिहिलीय. अजित पवार यांच्यासोबतचे काही फोटो शेअर करत त्यांनी दादांविषयी वाटणाऱ्या भावना व्यक्त केल्या आहेत. त्यांनी या पोस्टमध्ये म्हटले आहे की, शब्दाला जागणारे, उत्तम प्रशासक आणि कामातही ‘दादा’ असणारे लाडके नेते उपमुख्यमंत्री अजितदादा पवार यांना वाढदिवसाच्या शुभेच्छा, दादांना निरोगी आणि दुर्घायुष्य लाभो, अशी प्रार्थना या पोस्टच्या माध्यमातून रोहित पवार यांनी केली आहे.
आज राज्याचे विरोधी पक्षनेते देवेंद्र फडणवीस यांचा देखील वाढदिवस आहे. त्यांना देखील रोहित पवार यांनी त्यांच्यासोबतचा एक फोटो शेअर करत वाढदिवसाच्या शुभेच्छा दिल्या आहेत.
राष्ट्रवादीच्या खासदार आणि अजित पवार यांच्या भगिनी सुप्रिया सुळे यांनीही बंधुरायाला खास वाढदिवसाच्या शुभेच्छा दिल्या आहेत. आपल्या कुशल नेतृत्वाखाली महाराष्ट्र देशात प्रगतीची नवे शिखरे पादाक्रांत करण्यासाठी सदैव सज्ज आहे. आपणास निरोगी आणि दीर्घायुष्य लाभावं, अशी प्रार्थना सुप्रिया सुळे यांनी केली आहे.
