ओटीटीवर झळकणार जिद्दी गर्ल्स

चालू महिन्याच्या अखेरीस ओटीटीवर जिद्दी गर्ल्स नावाची वेबसीरिज प्रदर्शित होणर आहे. 5 जेन झेड कॉलेच्या युवतींच्या कहाणीला यात दाखविले जाणार आहे. जिद्दी गर्ल्समध्ये दिल्लीच्या एका कॉलेजमधील युवतींच्या जीवनातील उतारचढाव पाहता येणार आहेत. जिद्दी गर्ल्स ही सीरिज ओटीटी प्लॅटफॉर्म प्राइम व्हिडिओवर पाहता येणार आहे. याच्या अधिकृत इन्स्टाग्राम पेजवर पोस्ट जारी करत प्रदर्शनाची घोषणा करण्यात आली आहे. मटिल्डा हाउसमध्ये तुमचे स्वागत आहे, जेथे नियम अन् बंड एका छताखाली बहरत असल्याची कॅप्शन प्राइम व्हिडिओकडून पोस्टवर देण्यात आली आहे.  ही सीरिज 27 फेब्रुवारी रोजी अमेझॉन प्राइम व्हिडिओवर प्रदर्शित केली जाणार असून यात एकूण 8 एपिसोड्स असतील. ही मूळ स्वरुपात हिंदी भाषेत असून भारतासमवेत 240 पेक्षा अधिक देशांमध्ये ती पाहता येणार आहे. ही एक कॉलेज ड्रामा सीरिज असून यात जिद्दी स्वभावाच्या युवतींची कहाणी दर्शवण्यात आली आहे. जेन जेडची ही नवी पिढी दिल्लीच्या एका प्रसिद्ध कॉलेजमध्ये पाऊल ठेवते, जेथे त्यांना अनिश्चितता आणि साहसाची जाणीव होते. सीरिजमध्ये या युवतींचे प्रेम, प्रेमभंग, बंड अन् आत्मविकासाच्या प्रवासाला प्रभावीपणे दर्शविण्यात आले आहे. या सीरिजमध्ये नव्या चेहऱ्यांसमवेत काही अनुभवी कलाकार आहेत. यात अतीया तारा नायक, उमंग भदाना, जैना अली, दीया दमिनी आणि अनुप्रिया कारोली यांचा समावेश आहे. तसेच सीरिजमध्ये सिमरन, नंदिता दास, नंदीश सिंह संधू, लिलेट दुबे आणि रेवती याचे प्रसिद्ध कलाकारही दिसून येतील.