माजगावात गवारेड्याची दुचाकीला धडक ; युवक गंभीर

न्हावेली / वार्ताहर
सावंतवाडी – रेडी मार्गावरील माजगाव येथील कै.भाईसाहेब सावंत समाधीजवळ अचानक समोर आलेल्या गवारेड्याने भर रस्त्यावर दुचाकीला धडक दिल्याने दुचाकीस्वार सागर प्रभाकर मळगाव ( ३६ रा.मळगाव आंबेडकर नगर ) हा युवक गंभीर जखमी झाला. अपघातानंतर तो जाग्यावरच पडून होता.त्यानंतर स्थानिकांनी व तेथे जमलेल्या काही वाहनधारकांनी रिक्षात घालून याला उपचारासाठी सावंतवाडी उपजिल्हा रुग्णालयात दाखल केले.तेथे त्याच्यावर उपचार सुरू असल्याची माहिती रुग्णालयीन सूत्रांनी दिली असून त्याची प्रकृती स्थिर असल्याचे समजते.