रत्नागिरी प्रतिनिधी
शहरालगतच्या मिरजोळे एमआयडीसी येथील रेल्वे पुलावर रेल्वेच्या धडकेत तरूण
ठार झाला. ही घटना गुरूवारी सकाळी 11 च्या सुमारास घडली. सुमित सुनील
कांबळे (30, ऱा उद्यमनगर रत्नागिरी) असे मृताचे नाव आहे. या घटनेची नोंद
रत्नागिरी ग्रामीण पोलिसांत करण्यात आली आह़े.
प्राथमिक अंदाजानुसार रेल्वे धडकेत सुमित याचा मृत्यू झाल्याचे सांगण्यात
येत आहे. सुमित हा मिरजोळे एमआयडीसी येथे साईटवर काम करत असताना तो
रेल्वे पुलावर कशासाठी गेला होता. हे अद्याप समजू शकलेले नाही. तसेच
नातेवाईकांकडून देखील तो कोणत्या तणावाखाली होता याबद्दल माहिती समोर
येवू शकलेली नाही. याप्रकरणी पुढील तपास रत्नागिरी ग्रामीण पोलिसांकडून
करण्यात येत आहे.
