चिपळूण :
शहरालगतच्या कळंबस्ते येथे दुचाकी व पिकअप यांच्यात झालेल्या अपघातप्रकरणी दुचाकीस्वार गंभीर जखमी झाल्याची घटना काही दिवसांपूर्वी घडली. या प्रकरणी पिकअप चालकावर गुरुवारी चिपळूण पोलीस ठाण्यात गुन्हा दाखल करण्यात आला आहे. साहिल विलास बाईत (22, रेहेळभागाडी) असे जखमी दुचाकीस्वाराचे नाव आहे.
उमेश शंकर गुरव (चिपळूण) असे गुन्हा दाखल झालेल्याचे नाव आहे. या बाबतची फिर्याद विलास पांडुरंग बाईत (50, रेहेळभागाडी) यांनी दिली. पोलिसांनी दिलेल्या माहितीनुसार, 11 फेब्रुवारी रोजी दुपारी 12 च्या सुमारास विलास बाईत यांचा मुलगा साहिल हा त्याच्या ताब्यातील दुचाकीने पागमळा ते कळंबस्ते या मार्गावर प्रवास करत होता. तो कळंबस्ते फाटा येथे आला असता कळंबस्तेकडे वळत असताना मुंबईकडून आलेल्या पिकअप गाडी चालक उमेश गुरव याने भरधाव वेगात गाडी चालवून दुचाकीला धडक दिली.
