स्वयं अपघातात कुचेलीतील युवकाचा मृत्यू

म्हापसा : दत्तवाडी- म्हापसा येथे गुरुवारी रात्री झालेल्या स्वयं अपघातात 31 वर्षीय तरुणाचा मृत्यू, झाला. ही घटना दि. 2 रोजी रात्री पावणेअकराच्या सुमारास घडली.मेहबूब खान पठाण उर्फ अर्षद (रा. कुचेली) असे युवकाचे नाव आहे. दत्तवाडी येथे असलेल्या उतरणीवर अर्षदच्या दुचाकीचा तोल गेल्याने तो रस्त्याकडेला जाऊन आदळला. यामध्ये त्याच्या टोक्याला जबर दुखापत झाली. या अपघाताची माहिती मिळताच रुग्णवाहिकेला बोलावण्यात आले. त्याला म्हापसा येथील जिल्हा इस्पितळात दाखल केले असता डॉक्टरांनी  मृत घोषित केले. अर्षदचा मृतदेह वैद्यकीय तपासणीसाठी पाठवण्यात आला आहे. दरम्यान अपघाताचा पंचनामा पोलीस उपनिरीक्षक सुनील पाटील व हवालदार केशव नाईक यांनी केला. अर्षद म्हापसा सबयार्ड मार्केटमध्ये फळविक्रेता म्हणून काम करीत होता. त्याच्या आकस्मिक निधनाने म्हापसा व कुचेली परिसरात हळहळ व्यक्त होत आहे. रात्री अर्षदच्या अपघाताची माहिती मिळताच त्याच्या निवासस्थानी व म्हापसा येथील जिल्हा इस्पितळात नागरिकांची गर्दी झाली