बेळगाव : राज्य भाजपकडून इंदिरा गांधी यांचा अक्षेपार्ह फोटो सोशल मीडियावर टाकण्यात आला आहे. याच्या निषेधार्थ जिल्हा युवा काँग्रेस कार्यकर्त्यांच्यावतीने मोर्चा काढून आंदोलन करण्यात आले. तसेच जिल्हाधिकाऱ्यांमार्फत राज्यपालांना निवेदन देण्यात आले. राज्य भाजपच्या एक्स अकाऊंटवर इंदिरा गांधी यांचा अक्षेपार्ह फोटो टाकण्यात आला. यानंतर राज्य काँग्रेसच्यावतीने याचा तीव्र शब्दांत निषेध नोंदविण्यात आला. परिणामी जिल्हा युवा काँग्रेस कार्यकर्त्यांकडून याबाबत निषेध करण्यासाठी संगोळ्ळी रायण्णा सर्कलमधून राणी चन्नम्मा सर्कलपर्यंत मोर्चा काढून आंदोलन करण्यात आले. यानंतर जिल्हाधिकारी कार्यालयापर्यंत मोर्चा काढून निषेध नोंदविण्यात आला. त्यानंतर जिल्हाधिकाऱ्यांमार्फत राज्यपालांना निवेदन देण्यात आले. यावेळी सागर देवटगी, अश्पाक धारवाडकर, आकीब बेपारी, इम्रान अंकलगी यांच्यासह कार्यकर्ते उपस्थित होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
