येळळूर चांगळेश्वरी मंदिर शेजारच्या रस्त्याच्या दुरुस्तीला सुरुवात

येळळूर : येळळूर चांगळेश्वरी मंदिर शेजारील रस्ता पावसामुळे खड्डेमय झाला होता. त्यामुळे पावसाचे पाणी साचून रहदारीला अडथळा निर्माण होत होता. मंदिर परिसरात धार्मिक कार्यक्रम करताना याची अडचण निर्माण होत होती. ही समस्या कायमस्वरूपी दूर करावी यासाठी नागरिकांतून ग्रामपंचायतीकडे केवेळोवेळी मागणी करण्यात येत होती. याची दखल घेत ग्रामपंचायत अध्यक्षा लक्ष्मी मासेकर व पीडीओ पूनम गडगे यांच्यासह सदस्यांनी रस्त्याचे काँक्रीटीकरण करून ही समस्या कायमस्वरूपी दूर केली आहे. या शिवाय मंदिरासमोरील गटार मातीने बुजवून सांडपाण्याचा निचरा होत नव्हता. त्यामुळे येथून ये-जा करताना नागरिकांना व भाविकांना त्याचा त्रास होत होता. या साठीही यलुप्पा पाटील यांच्यासह अनेक कार्यकर्त्यांनी या कामाचा पाठपुरावा केला होता. याचीही दखल घेत ग्रा. पं. सदस्य शशी धुळजी, विलास बेडरे, अरविंद पाटील यांच्या उपस्थितीत कामाची सुरुवात करून ही समस्याही मिटवण्यात आली. यामुळे ग्रामस्थांतून समाधान व्यक्त होत आहे. यावेळी प्रत्यक्ष पीडीओ व ग्रामपंचायत अध्यक्षा उपस्थित होत्या.