टॉपटेन करेला स्पर्धेत यशवंत सुतार प्रथम

बेळगाव : मध्यवर्ती सार्वजनिक श्री गणपती उत्सव मंडळ झेंडाचौक मार्केट व बेळगाव जिल्हा शरीरसौष्ठव संघटना यांच्या संयुक्त विद्यमाने नवव्या रावसाहेब गोगटे टॉपटेन करेला स्पर्धेत यशवंत सुतारने प्रथम क्रमांक, भरत तिवारीने दुसरा तर  पृथ्वीराज बेडगेरीकरने तृतीय क्रमांक पटकाविला. रामनाथ मंगल कार्यालय येथे आयोजित केलेल्या टॉपटेन करेला स्पर्धेचे उद्घाटन उद्योजक शिरीस गोगटेंसह इतर मान्यवरांच्या हस्ते दीपप्रज्वलन तसेच श्री हनुमान आणि गणेशाच्या प्रतिमेचे पूजन करण्यात आले. या स्पर्धेचा निकाल पुढीलप्रमाणे, यशवंत सुतार 187 करेला फिरवून प्रथम क्रमांक, भरत तिवारी 185 दुसरा, पृथ्वीराज बेडगेरीकर 179 तृतीय, सागर गोरेने 178 चौथा, गजानन गावडोजी 171 पाचवा, सुमित कामुले 168 सहावा, महादेव वाळके 165 सातवा, गणेश जांगळे 160 आठवा, भावेश बेडगेरीकरने 158 नववा तर नामदेव काळेकरने 151 करेला फिरवून दहावा क्रमांक पटकाविला. या विजेत्या करेलापटूंना मान्यवरांच्या हस्ते रोख रक्कम, चषक, प्रमाणपत्र देऊन गौरविण्यात आले. या स्पर्धेसाठी पंच म्हणून एम. गंगाधर, हेमंत हावळ, आकाश हुलीया, गजानन हंगीरगेकर यांनी काम पाहिले.