अनगोळ येथे यल्लाम्मा देवीची यात्रा उत्साहात

बेळगाव : उदो गं आई उदोच्या जयघोषात भंडाऱ्याची उधळण करीत अनगोळ येथे रेणुकादेवी यात्रा व मारग मळ्ण्याचा कार्यक्रम मोठा उत्साहात पार पडला. अनगोळ येथील भाविक गुऊवार दि. 9 रोजी गावातून सौंदत्ती यल्लम्मा डोंगर येथे गेले होते. सोमवारी शाकंभरी पौर्णिमेदिवशी पडल्या भरण्याचा कार्यक्रम उत्साहात पार पाडला. सौंदत्ती येथून गुऊवारी सायंकाळी भाविक अनगोळ येथील मरगाई मंदिरमार्गे सवाद्य मिरवणुकीने मळ्dयात दाखल झाले होते. शुक्रवारी सायंकाळी यात्रेला सुरवात झाली.सायंकाळपासूनच यात्रेच्या ठिकाणी भाविकांनी दर्शनासाठी गर्दी केली होती. देवीचे दर्शन घेऊन भाविक देवस्की महिला परडी घेऊन बसलेल्या ठिकाणी  नमस्कार करण्यासाठी गर्दी केली होती. यात्रेच्या ठिकाणी खेळण्यांची दुकाने, खाऊची दुकान थाटण्यात आली होती. तर सौंदती यल्लामा डोंगर येथून आलेल्या भाविकांनी त्याच ठिकाणी आपापल्या नातेवाईक व मित्रमंडळींना प्रसादाची सोय केली होती. रात्री देवीच्या गदगेसमोर गाऱ्हाणे घालण्याचा कार्यक्रम झाल्यानंतर देवीला उत्कार घालून भंडाऱ्याची उधळण करीत वाजत गाजत उदो गं आई उदो च्या जयघोषात देवीचा जग गावात दाखल झाला.