आलारवाड येथे आज कुस्ती मैदान

बेळगाव : आलारवाड येथील श्री. ब्रह्मनाथ यात्रेनिमित्त सोमवार दि. 12 रोजी कुस्ती मैदानाचे आयोजन करण्यात आले असून सदर मैदान कन्नड प्राथमिक शाळेच्या मैदानावर होणार आहे. या स्पर्धेत प्रमुख कुस्ती गंगावेश तालीम कोल्हापूरच्या सागर देवकाते व दिल्लीच्या हरीषकुमार यांच्यात तर दुसऱ्या क्रमांकाची कुस्ती कर्नाटक चॅम्पियन प्रकाश इंगळगी व कर्नाटकचा उगवता मल्ल प्रतिक, तिसऱ्या क्रमांकाची कुस्ती राष्ट्रीय पदक विजेता प्रेम जाधव कंग्राळी व महाराष्ट्र चॅम्पियन सांगलीचा प्रदिप ठाकूर, चौथ्या क्रमांकाची कुस्ती पार्थ पाटील कंग्राळी व कोल्हापूर महाराष्ट्र चॅम्पियन विकास शिंदे, पाचव्या क्रमांकाची कुस्ती पवन चिक्कदिनकोप भांदुर गल्ली व कर्नाटक चॅम्पियन गिरीष चिक्कबागेवाडी यांच्यात होणार असून लहान-मोठ्या 40 हून अधिक कुस्त्यांचे आयोजन करण्यात आले आहे. पावसाअभावी मैदान लवकर सुरु करण्यात येईल. तरी मल्लांनी वेळेवर उपस्थित राहून मैदान यशस्वी करावे, असे आवाहन करण्यात आले आहे.