गुळेली सरकारी विद्यालयात जागतिक पर्यावरण दिन साजरा

वाळपई : शैक्षणिक वर्षाच्या प्रारंभी, सरकारी माध्यमिक विद्यालय गुळेली सत्तरी येथे जागतिक पर्यावरण दिन साजरा करण्यात आला. यावेळी व्यासपीठावर प्रमुख पाहुणे म्हणून शाळेचे मुख्याध्यापक सूरज नाईक, जेष्ठ शिक्षक दिलीप पालेकर, अजित राणे, शिक्षिका शीतल लाड, अपर्णा सावईकर, संयोजक प्रेमानंद च्यारी, शारीरिक शिक्षक अनुध्य पोकळे उपस्थित होते. सर्वप्रथम कल्पिता गावडे व साथी यांनी पर्यावरण गीत सादर केले . प्रमुख पाहुणे व विद्यार्थिनी यांनी लावलेल्या झाडाच्या रोपासमोर दीप प्रज्वलित केला. शिक्षक प्रेमानंद चारी यांनी पर्यावरण दिन साजरा करण्याचा उद्देश स्पष्ट केला. विद्यार्थी बबन पाटकेरो याने पर्यावरण व त्याचे घटक ह्या बद्दल आपले विचार मांडले. शिक्षिका शीतल लाड यांनी पर्यावरण, त्याची होत असणारी हानी व याचा आपल्यावर होणारा प्रभाव ह्या बद्दल माहिती सांगितली . मुख्याध्यापक सूरज नाईक निसर्गाच्या संवर्धन प्रक्रियेसाठी करण्यात येणार्या उपाय योजना व त्यावर नागरिक म्हणुन आपली भूमिका कशी असावी या बद्दल मौलीक मार्गदर्शन केले. प्रयोगशाळा सहाय्यिका अक्षता हळदणकर हिच्या आभार प्रदर्शनाने कार्यक्रमाची सांगता झाली. पर्यावरण दिवसाची जागृती म्हणुन आपल्या जवळ असलेली सामुग्री वापरून पक्ष्यांच घरट तयार करणे व फुलदाणी (फ्लॉवरपॉट) तयार करणे ह्या स्पर्धा घेण्यात आल्या. त्यात गौरांग ओपकर , मैथिली गावडे, रश्मी नाईक यांना अनुक्रमे प्रथम, द्वितीय, तृतीय अशी बक्षिसे प्राप्त झाली.