वृत्तसंस्था/ नवी दिल्ली
भारत यावर्षी 30 ऑक्टोबर ते 27 नोव्हेंबर दरम्यान बुद्धिबळ विश्वचषक स्पर्धेचे आयोजन करणार आहे तर या स्पर्धेचे यजमान शहर योग्य वेळी घोषित केले जाईल, अशी घोषणा खेळाच्या जागतिक प्रशासकीय संस्थेने सोमवारी केली.
भारताने 2002 मध्ये हैदराबाद येथे या स्पर्धेचे शेवटचे आयोजन केले होते त्यावेळी विश्वनाथन आनंदने विजेतेपद पटकावले होते. नॉकआउट स्वरूपात स्पर्धा होणार असल्याने प्रत्येक फेरीत एक खेळाडू स्पर्धेबाहेर पडेल. या स्पर्धेत गेल्या काही वर्षांपासून अनेक फॉरमॅट वापरले जात आहेत. परंतु 2021 पासून, ते सिंगल-एलिमिनेशन फॉरमॅटचे अनुसरण करीत आहेत. प्रत्येक फेरी तीन दिवसांची असते. पहिल्या दोन दिवशी दोन क्लासिकल गेम, त्यानंतर आवश्यक असल्यास तिसऱ्या दिवशी टाय-ब्रेक होतील, असे संस्थाने म्हटले आहे. पहिल्या फेरीत 50 खेळाडूंना बाय दिला जातो तर 51 ते 206 पर्यंतचे सीडेड खेळाडू स्पर्धा करतील. या विश्वचषकातील शीर्ष तीन अंतिम खेळाडू 2026 च्या कँडिडेट्स स्पर्धेसाठी थेट पात्रता मिळवतील, जे जागतिक बुद्धिबळ स्पर्धेत डी गुकेशचे आव्हानवीर असतील. विद्यमान विश्वविजेता डी गुकेश, 2023 विश्वचषकाचा उपविजेता आर प्रज्ञानंद आणि सध्या जागतिक क्रमवारीत पाचव्या क्रमांकावर असलेला अर्जुन एरिगेसी हे स्टार खेळाडू आहेत जे अॅक्शन मोडमध्ये दिसत आहेत. जगातील अव्वल क्रमांकाचा खेळाडू मॅग्नस कार्लसन 2023 मध्ये जिंकलेल्या द्वैवार्षिक स्पर्धेत भाग घेण्यासाठी पात्र ठरला आहे. भारताने अलीकडेच 2022 चे बुद्धिबळ ऑलिंपियाड, टाटा स्टील चेस इंडिया, 2024 चे जागतिक ज्युनियर अंडर-20 चॅम्पियनशिप आणि या वर्षी एप्रिलमध्ये महिलेंचा पाचवा टप्पा यासारख्या प्रमुख स्पर्धांचे आयोजन केले आहे.
