जिल्हाधिकारी मोहम्मद रोशन : लिंगराज महाविद्यालयाच्या सांस्कृतिक उपक्रमांची सांगता
बेळगाव : आम्हाला अशा तऊणांची गरज आहे जे जीवनातील समस्यांना तोंड देतील, तंत्रज्ञानाने ज्या समस्या देऊ केल्या आहेत आणि सोडवू शकतील. व्यवस्थेत येण्यासाठी समाजाची सेवा करण्याचा सर्वोत्तम मार्ग म्हणजे एकतर तुम्ही अधिकारी म्हणून सरकारमध्ये किंवा तुम्ही राजकारणात येऊ शकता. प्रत्येक विद्यार्थ्यांनी त्यांच्या स्वप्नांना सत्यात उतरविण्यासाठी कठोर परिश्र्रम करावेत. यूपीएससी नागरी सेवांसारख्या महत्त्वाकांक्षी स्पर्धा परीक्षांचा पाठलाग करावा, असे प्रतिपादन जिल्हाधिकारी मोहम्मद रोशन यांनी केले. येथील केएलई संस्थेच्या लिंगराज महाविद्यालयाच्या क्रीडा आणि सांस्कृतिक कार्यक्रम उपक्रमांचा सांगता समारंभ संस्थेच्या मध्यवर्ती सभागृहात पार पडला. यावेळी प्रमुख पाहुणे म्हणून जिल्हाधिकारी बोलत होते. त्यांनी स्पर्धात्मक परीक्षांची तयारी करणाऱ्या विद्यार्थ्यांना सखोल मार्गदर्शन केले. कार्यक्रमाचे अध्यक्ष म्हणून केएलईचे संचालक महांतेश कवटगीमठ उपस्थित होते. आपल्या अध्यक्षीय भाषणात ते म्हणाले, विद्यार्थ्यांनी आपले ध्येय पूर्ण करण्यासाठी सातत्याने अध्ययन करावे. वर्तमान काळातील स्पर्धा परीक्षांना विद्यार्थ्यांनी धाडसाने सामोरे जावे. जीवनात समस्यांना न डगमगता धाडसाने तोंड द्यावे. त्यांनी महाविद्यालयाच्या सर्वांगीण विकासाला चालना देण्यासाठी आणि शैक्षणिक क्षेत्राबरोबरच सांस्कृतिक आणि क्रीडा क्षेत्रात सहभागी
व्हावे आणि व्यक्तिमत्त्व विकास करावा.
प्रारंभी रोहिणी हणबरट्टी हिने गायलेल्या गीताने कार्यक्रमाची सुरुवात झाली. प्राचार्य डॉ. एच. एस. मेलिनमनी यांनी सर्वांचे स्वागत केले. इंग्रजी विभागप्रमुख डॉ. शशिकांत कोण्णूर यांनी पाहुण्यांची ओळख करून दिली. प्रा. सी. एस. पाटील यांनी महाविद्यालयाच्या क्रीडा आणि सांस्कृतिक उपक्रमांचा विस्तृत अहवाल सादर केला. या कार्यक्रमात उत्कृष्ट कामगिरी करणाऱ्या विद्यार्थ्यांचा सत्कार करण्यात आला, त्यानंतर विविध स्पर्धा आणि क्रीडा स्पर्धांमधील विजेत्यांना बक्षिसांचे वितरण पाहुण्यांच्या हस्ते करण्यात आले. वाणिज्य पदव्युत्तर शाखेच्या समन्वयक प्रा. लक्ष्मी शिवण्णावर यांनी आभार मानले. सूत्रसंचालन प्रा. सिद्धनगौडा पाटील आणि सुहानी मगदूम यांनी केले, तर बक्षीस विजेत्यांची घोषणा प्रा. विनायक वऊटे आणि प्रा. निकिता बेडरे यांनी केली.
