इंफाळ :
मणिपूरच्या इम्फाळ पूर्व जिह्यातील सावोम्बुंग भागात शनिवारी रात्री उशिराने एका महिलेची गोळ्या झाडून हत्या करण्यात आली. हल्लेखोरांनी महिलेच्या चेहऱ्यावर गोळीबार करत तिला पूर्णपणे विद्रूप बनवल्याची माहिती पोलीस अधिकाऱ्यांनी दिली. 50 वर्षांच्या या महिलेला तिच्या निवासस्थानी काही सशस्त्र लोकांनी गोळ्या घातल्या. या घटनेची माहिती समजताच परिसराची नाकेबंदी करण्यात आली आहे. मणिपूर पोलिसांकडून घटनास्थळावरील लोकांचे जबाब नोंदवले जात आहेत. गेल्या दोन महिन्यांपासून राज्यात सुरू झालेला हिंसाचार अद्याप पूर्णपणे थांबला नसल्याचेच या घटनेवरून दिसून येत आहे.
