नवी दिल्ली : तेलंगणाच्या रंगारेड्डी जिल्ह्यात उत्तरप्रदेशच्या एका 34 वर्षीय महिलेने स्वत:ची कार रेल्वेमार्गावर चालविल्याने खळबळ उडाली. या घटनेचा व्हिडिओ सोशल मीडियावर व्हायरल झाला आहे. ही धक्कादायक घटना शंकरपल्ली स्थानकानजीक घडली आहे. व्हायरल व्हिडिओत महिला स्वत:ची कार रेल्वेमार्गावरून वेगाने चालवत असल्याचे दिसून येते. रेल्वे कर्मचारी, स्थानिक लोक आणि पोलीस महिलेला कारमधून बाहेर काढण्याचा प्रयत्न करतानाही व्हिडिओत दिसून येत आहे. सुमारे 20 जणांच्या मदतीने महिलेला कारमधून बाहेर काढण्यात आले. ही महिला अजिबात सहकार्य करत नव्हती आणि अत्यंत आक्रमक होती, असे प्रत्यक्षदर्शीकडून सांगण्यात आले. संबंधित महिला मानसिक स्वरुपात असंतुलित वाटत होती, असे रेल्वे पोलीस अधीक्षक चंदना दीप्ति यांनी सांगितले आहे. तसेच ही महिला एका बहुराष्ट्रीय कंपनीत काम करत होती आणि ती मूळची उत्तरप्रदेशची आहे. महिला आत्महत्येचा प्रयत्न करत होती का, याचा तपास केला जात असल्याचे त्यांनी सांगितले आहे. महिलेच्या या कृत्यामुळे 10-15 रेल्वेगाड्यांच्या संचालनावर प्रभाव पडला आहे. या रेल्वेगाड्यांचे मार्ग बदलावे लागले आहेत. यात बेंगळूर-हैदराबाद एक्स्प्रेस देखील सामील आहे. महिलेच्या कारमधून ड्रायव्हिंग लायसेन्स आणि पॅनकार्ड हस्तगत झाले आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
