दापोली विधानसभा मतदार संघाचे आमदार योगेश कदम यांचे अभीष्टचिंतन करण्यासाठी शनिवारी खेड, दापोली, मंडणगड तालुक्यातील शिवसेना व युवासेना कार्यकर्त्यांसह अन्य तालुक्यातील हितचिंतकांची जामगे निवासस्थानी एकच रिघ लागली . या शुभेच्छा वर्षावाने ते चांगलेच गहिवरले. शुक्रवारी रात्री १२ वाजता तमाम कार्यकर्ते व कुटुंबियांच्या साक्षीने आमदार कदम यांनी वाढदिवसाचा केक कापला.
वाढदिनी विविधांगी उपक्रमही राबवण्यात आले. भरणे येथील मेहता पेट्रोल पंपावर आमदार योगेश कदम यांच्या वाढदिवसानिमित्त एक हजार रिक्षाचालकांना 20 रुपयांनी स्वस्त पेट्रोल वितरीत करण्यात आले. याप्रसंगी शिवसेनेचे तालुका सचिव सचिन धाडवे, स्वप्नील सैतवडेकर, सतीश चिकणे, सुनील दरेकर, सिद्धेश खेडेकर यांच्यासह मेहता पेट्रोल पंप मालक शैलेश मेहता व रिक्षा व्यावसायिक उपस्थित होते.
