पॅरा राष्ट्रीय टेटे स्पर्धेत संजीव हम्मण्णवर विजेते

बेळगाव : अहमदाबाद येथे सॉवी स्पोर्टस क्लब, टेबल टेनिस फेडरेशन ऑफ इंडिया यांच्या संयुक्त विद्यमाने पॅरा टेबल टेनिस राष्ट्रीय अग्रमानांकित टेबल टेनिस स्पर्धेत बेळगावच्या हेस्कॉमचे अधिकारी व पॅरा अॅथलेटिक्स टेबल टेनिसपटू संजीव हम्मण्णवर यांनी अंतिम फेरीत एमएस-7 विभागात डॉ. निजीम यांचा 3-1 अशा सेटमध्ये पराभव करून विजेतेपद पटकाविले. अहमदाबाद येथे घेण्यात आलेल्या पॅरा टेबल टेनिस स्पर्धेत संजीव हम्मण्णवर यांनी दिल्लीच्या शारीक नईमचा 3-1 अशा सेटमध्ये पराभव करून उपांत्यपूर्व फेरीत प्रवेश केला. संजीव यानी दिल्लीच्या अंशूल अगरवालचा 3-0 अशा सेटमध्ये पराभव करून उपांत्य फेरीत प्रवेश केला. उपांत्य फेरीत संजीव यांनी पंजाबच्या हर्शीदचा 3-1 असा पराभव करून अंतिम फेरीत प्रवेश केला. अंतिम सामन्यात डॉ. नजीमचा संजीव यांनी 3-1 असा पराभव करून विजेतेपद पटकाविले. मिक्स डबल स्पर्धेत एक्सडी 14 विभागात संजीव-मैवा या जोडीने सुवर्णपदक पटकाविले. अंतिम सामन्यात या जोडीने गुजरातच्या यजीद बिमगार व नुरजान या जोडीचा 3-2 असा पराभव करून विजेतेपद पटकाविले. पण एमडी 14 विभागात संजीव-याजीदी या जोडीला अग्रमांनाकित दिल्लीच्या हर्षिता त्रिवेदी व रमेश या जोडीकडून पराभव पत्करावा लागला.