विंडीज-इंग्लंड मालिका डिसेंबरमध्ये

विंडीज क्रिकेटने जाहीर केला दौरा कार्यक्रम

वृत्तसंस्था/ सेंट जॉन्स, अँटिग्वा

येत्या डिसेंबरमध्ये होणाऱ्या इंग्लंडविरुद्धच्या मालिकेचा कार्यक्रम विंडीज क्रिकेटने जाहीर केला असून या दौऱ्यात तीन वनडे व पाच टी-20 सामन्यांच्या मालिका होणार आहेत. या मालिकांची सुरुवात अँटिग्वातील सामन्याने होणार आहे.

तीन वनडे सामन्यांच्या मालिकेने या दौऱ्याची सुरुवात होणार असून पहिले दोन सामने अँटिग्वामध्ये तर तिसरा व शेवटचा सामना बार्बाडोस येथे खेळविला जाणार आहे. याच ठिकाणी टी-20 मालिकेचा पहिला सामना होईल. ग्रेनाडामध्ये दुसरा व तिसरा तर त्रिनिदादमध्ये चौथा व पाचवा सामना खेळविण्यात येईल. जून 2024 मध्ये कॅरिबियन बेटांवर टी-20 विश्वचषक स्पर्धा होणार असून त्याच्या तयारीसाठी ही मालिका त्यांना उपयुक्त ठरणार आहे.