विम्बल्डनच्या बक्षीस रकमेक विक्रमी वाढ

लंडन : ऑल इंग्लंड लॉन टेनिस क्लबने यंदाच्या विम्बल्डनमधील एकूण बक्षिसांची रक्कम विक्रमी 44.7 दशलक्ष पौंड स्तरावर (56.52 दशलक्ष डॉलर्स) नेण्यात आली असल्याचे जाहीर केले आहे. 2022 च्या तुलनेत या रकमेत 11.2 टक्के वाढ झाली आहे. त्यानुसार पुऊष आणि महिला एकेरीमधील विजेते आणि उपविजेते यांच्या बक्षिसांची रक्कम देखील वाढविण्यात आली असून ती 2019 च्या स्तरावर पोहोचविण्यात आली आहे. त्यावेळी विजेते व उपविजेते यांना अनुक्रमे 2.35 दशलक्ष पौंड आणि 1.175 दशलक्ष पौंड मिळायचे. याशिवाय कोणताही खेळाडू प्रथम फेरीत हरल्यास त्याला किमान 55,000 पौंड मिळतील. 2022 च्या तुलनेत या रकमेत 10 टक्क्यांनी वाढ करण्यात आली आहे. ऑल इंग्लंड लॉन टेनिस क्लबचे अध्यक्ष इयान हेविट यांनी म्हटले आहे की, यावर्षी स्पर्धेमध्ये भाग घेणाऱ्या खेळाडूंसाठी बक्षिसांची विक्रमी रक्कम जाहीर करताना आम्हाला आनंद होत आहे.